警告：如果你今日心情麻麻地，唔好睇呢篇網誌。

我頂！
究竟你地想我點呀？
做得慢要鬧，做得快又鬧，仲話我炸爆你信箱？
咁你兩位阿姐玩晒啦！

「我終於嘔心瀝血幫你睇晒份稿0勒，有好多桶血都係為你而流0架！」
死線好似過0左好耐咯喎。


「改漏0左0勒！」
又係你當初叫我一隻字都唔好改0既。


「要check呀！」
我已經向一萬個人check過，個個都有唔同0既版本，點check呀？


「要前後對呀！」
前前後後0既內文，每一稿都有0野改，每一稿都要前前後後對，我已經對左一萬次0勒，但係你臨尾仲係要改，對唔住！我真係睇漏眼。


* * *

「要跟呢個咁咁咁0既次序！」
我跟政府0架喎……

「政府有時都錯架！」
請問正確0既次序係宇宙邊個角落呢？等我坐太空船去搵。

「如果你有留意，你會發現呢個係咁咁咁，0個個係咁咁咁。」
原來呢個0既真正身分係FBI，0個個係KGB。

哦……原來宇宙0既秘密0係你個腦入面。


頂完鬧完……舒服晒！！