人生急轉彎

人生又拐了一個大彎，這次好幸運，讓我搭了一趟便車，坐上一架無人駕駛的林寶堅尼，旅途驚險刺激，沿路景色優美，途中遇到的人友善可親，當然也有路霸土匪，只要萬事小心，總是可以化險為夷。

旅途縱然艱苦，遇到同路和不同路有趣的旅人，偶爾交流各自路上的點滴，目的地相同的，一起上路可以有個伴，目的地不同的，也慶幸有緣遇上，緣淺也可以情深。

旅人們，多謝大家陪我走過這一段。

點解我講到好似旅遊特輯咁既？哈！

自由日

話說，今天是我重獲自由的第一天。
雨需要下這麼狠嗎？
天也為我哭了吧！為我這段非人生活而哭嗎？
不用了。
我現在好得很。

這些大大小小的人生關口，都是一面不錯的照妖鏡。
誰是朋友誰是.... 一目了然。
誰真心為你好？
誰只是嘴巴上說說而已？
誰連唇皮都懶得動一下......

新階段，我是充滿期待的，不論結果怎麼樣，都是我自己選擇的。
各位好友既祝福，我收到了，其他話...心照！

再過一個星期，就要出發到異地，美麗的地方，美麗的伙伴，我來了，給我一個擁抱吧！

女人打虎論

N咁耐之前有詹蛇既男人之虎論，今日呢庶有女人打虎論...


話說某日A同B討論人生大事，即係人生中既各種大事，唔係單一事件。

歡迎各界提出正想改反建議，如果今日立會順利通過，就為香江歷史寫上新的一頁。

對話擇錄~~



B說:

講真好多女人都會咁，包括我都係。只係你要多定少。

可能女人真係天生缺乏安全感

又或者需要好多愛

A說：

或者應該講女人係天生ask for安全感，無論佢有幾多優勢條件，都會不斷尋找

B說:

即內在覺得不夠？

A說：

男人唔會去搵安全感

打個比喻...即係好似男人唔鐘意食甜野，因為佢跟本冇呢個thirst

B說:

係，佢地覺得要刺激；而另一方面，有些東西又覺得已經好安全，唔使理

A說：

但係女人天生好似就有呢個需求

冇法...我懷疑地仲未擺脫原始人既思維同基因，女人要留在洞穴照顧小孩

所以佢要確保個洞穴畀到佢足夠既安全感，同時確保走左出去搵食既死佬許下既承諾「我一定會返黎」係千真萬確

B說:

最弊係男人知唔知呢樣野呢？

A說：

佢地唔需要知，亦毋須理會

B說:

佢地出去fever同野獸玩，都唔知會餓死老婆瘟臭屋

A說：

對！佢地最大既concern係對外要夠勇猛

B說:

因為屋可以再搵

A說：

對！

B說:

甚至瞓地下又如何

A說：

男人面對既risk某程度上係佢自己可以控制到

但係女人面對既risk係depend個男人既「可信」程度

我既結論係...男人同女人永遠唔會明白對方既處境

B說:

嘩！！！金句！

我要記低佢！

真係好正！

A說：

話明白都只係權宜之計，為左令女人「信」佢

B說:

佢地永遠覺得，你諗咁多做咩，出去同野獸搏鬥先算

但女人要顧住個仔

A說：

不如記住呢句：「就算返去森林生活，女人都係會面對同樣既困境。」

結果，有d女人練就一手抱仔一手打老虎既絕技

B說:

我終於明白點解現在d男人咁戀母

A說：

或者乾脆唔好生仔，咁就可以專心打老虎

點解呢又...

佢地懷念細個目擊阿媽一手抱住佢一手打老虎既情境？

B說:

反正你地d女人都會打虎，我去洞穴瞓下唔好？

A說：

勁啊！

一邊撩腳板一邊投訴d女人唔夠「溫柔」又「太叻」，搞到佢地咁無能

B說:

就算男人以為打左隻虎番來，諗住威下，點知個女人話我打左3隻喎

男人即刻咩勇猛都無晒啦

但係無人問，係邊個迫班女人最開頭出去打虎

A說：

哇...我地提出左一個驚世既女人打虎理論

B說:

所以有個中女節目，那個男人咪講唔會跟朋友討論自己女友或老婆工作叻

A說：

女人打虎直頭係一個model

你擺乜野入去都predict到outcome係點

B說:

點apply其他先？

A說：

好似你頭先咁講

點解會有宅男、戀母男...？

點解會有中女、援交女...？

點解女人要安全感，男人卻唔要安全套？

B說:

Oh yes!



特別鳴謝：

A&B授權轉載

鴨寮偷聽器免費提供無敵GPS定位納米偷聽器

Life goes on...

這兩個月，心裡面像有十個太陽，sunshine always, no more blue days...

生命中的每一樣東西好像都開始fall into places，好像所有對的事情都在對的時候逐一發生。

雞毛鴨血的日子過得太久，太順風順水的時候反而令人有點不安。

數天前，晚上回家，鄰家的門前突然多了一支蠟燭，心裡忐忑。

接著，每天回家，相同的布置不斷提醒我，那位婆婆已經離開我們了。

正當我開始有好日子過的時候，別人卻走到了盡頭。

Life is what happens to you when you are busy making other plans.

John Lennon 唱過的，甚麼時候再說一次還是一樣受用。

Life goes on...

娘親大人，父親節快樂！

T~T

晚上1:10，如常在電腦前，但這裡無法上網，而且異常熱鬧...


右面有人被綁在床上，已注射了數次鎮靜劑，還是不時大呼小叫：「救命啊！我要報警。」

事實上，在我前後左右，站著坐著的警員，少說也有十人八人。

右面，坐著等候大夫告知檢驗結果的伯伯。

左前方，有一對失明的伴侶，站著的，握著坐在輪椅上太太的手，陪她等候大夫進一步的消息。

前方，橫橫直直放著共六張流動病床，都躺著病人，而其中一位...正是我家的寶貝娘親。



這一刻，真的很累，已連續兩天被老闆禁錮，馬拉松會議實在令人吃不消。

終於回到家，正想開始做功課，卻聽到娘親大人咳得很厲害，沉不住氣，「質問」她為何不看醫生呀？

擾攘了一會，娘提議到急症室...

「?...」遲疑了一秒，我答：「換衣服。」



懊惱得很...

為甚麼總是在我最需要時間和空間的時候「撒驕」呢？

為甚麼拖這麼久還不去看醫生？

為甚麼？為甚麼？

頭快要爆開...



晚上1:30，還在等待中...希望不要再被護士小姐埋怨，就讓我坐在這裡等我娘好嗎？
 
後記：晚上2:30，終於回到家........T~T

藍山咖啡店...拯救了我

好耐之前就想來這家店，因為招牌實在太有型了——藍山咖啡專門店。

在全港最窮既深水埗區，點解會有呢間咁懶有型既咖啡店？是我一直都唔明白既地方。

好！今日我急需為自己打打氣，決定畀自己好過一d，亦趁機side track一下沮喪既心情......我來也！

一進門，有d愕然，得三張摺枱？唔係卦，咁草根feel既？

點左熱咖啡，先睇到頭頂既菜牌，原來咖啡都有十幾種，由巴西山度士到藍山咖啡...乜都有，才知道原來有咁多種咖啡，果然係「專門店」。

等待期間，郵差叔叔來派信，鄰座既伯伯因為家裡大掃除，留在此店與老闆娘談天，對面既嬸嬸又話剛洗完地咋，來這裡抖一抖，再來一位叔父客人，剛進店就同鄰座伯伯鬥咀...

看得出他們鄰里之間的情誼好到不得了...

對！這一刻，我最需要的就是這點人情味，我需要這種溫度。

即磨蒸餾咖啡送來，老闆娘細心地將牛奶用小小的保溫杯分開盛著，又有黃糖供應，連咖啡杯都一絲不苟。睇得出老闆娘在有限既資源中，盡量精益求精，誠意搭夠。

咖啡加即食通粉，盛惠$23，超值又溫馨...老闆娘，謝謝妳！

鳴謝：門口相要感謝某大食店搜尋引擎，食物相就感謝自己部手機啦，多謝樂姬啊！

變

久別這裡大半年，突然想回來這裡看看，像突然想起一個老朋友，想知道你現在活得好不好，有甚麼改變了嗎？

 

好伙伴決定要生活在他方，我雖然不捨，但流下來的...是開心的眼淚，心底只有一句說話：祝福！

只希望改變為你帶來的好，你要好好把握，帶來的壞，你要好好面對。

誰也不知道以後會再變成怎麼樣，聽說地球還有幾年就要被地球人毀滅了，大家就好好珍惜在地球上生活最後的時光，盡情做一些想做的事吧！

 

至於我自己，再培訓進入第二年，沒有想像中那麼期待畢業來臨的一天，不捨的成分反而愈來愈多。

改變從來都是永恒，當初決定再培訓，就是想要一個徹底的轉變。

現在卻不想改變，很幼稚。

 

一年前的新公司，現在都快變成舊公司了，可以換的都換過了，只有我的心情沒有換過，下刪千字......

 

在2009年餘下不足兩個月的時間裡，好好把握種種改變。

變變變出無限可能，改變萬歲！